красавік 2016

Гарадзенец з ДЦП, якому забаранілі кіраваць аўто, ізноў паспрабуе прайсці медкамісію

Для гарадзенца Аляксандра Зіміна, які жыве з дыягназам ДЦП, аўтамабіль – не раскоша, а магчымасць зарабляць і займацца грамадскай дзейнасцю. Гэтую магчымасць у яго забралі летась, не выдаўшы чарговай медычнай даведкі. Ніхто не ўлічыў, што тры гады ён ездзіў без адзінага інцыдзенту і скончыў курсы контраварыйнага кіравання. Але рашэнне РНПЦ экпертызы і рэабілітацыі – вышэйшай медыцынскай інстанцыі ў гэтай справе – не пажыццёвае. Аляксандр збіраецца прайсці медкамісію зноў. Гэтым разам, патрабуючы абгрунтавання – згодна з якімі пунктамі заканадаўства і па якіх медыцынскіх паказчыках ён не мае права кіраваць аўтамабілем.

Расійскi рэпер, які вучыўся ў Оксфардзе, сабраў у Гродне сотні прыхільнікаў

На канцэрт рэпера Аксімірона ў Моладзевым цэнтры “Гродна” прыйшлі слухачы розных узростаў. Іх аб’яднала думка, што творчасць спевака вылучаецца сваёй спецыфічнай лірыкай.

Гарадзенец Сяргей, які пешшу хоча прайсці 30 тыс.км, працягвае шлях пасля вялікага перапынку

Гарадзенскі падарожнік амаль дайшоў да Лагойска, калі з ім звязаліся людзі, ахвотныя дапамагчы з рэчамі. Каб атрымаць і праверыць новую экіпіроўку, ён быў вымушаны прыпыніць свой шлях амаль на месяц.

Фотафакт: На Гарадзеншчыне жывуць плямістыя алені, якія ў будучыні могуць выцесніць мясцовыя віды

Каля 20 плямістых аленяў блукае ў выколіцах вёскі Алекшыцы на Гарадзеншчыне. Па словах мясцовых жыхароў, старшыня калгаса завёз жывёл у пачатку 2000-х гадоў, але разводзіць іх не атрымалася, бо ўсе яны ўцяклі і цяпер самастойна жывуць і размнажаюцца ў прыродзе.

Новы аўтавакзал у Беластоку можа з’явіцца ўжо праз год

Улады Беластока знайшлі зручны спосаб збудаваць новы аўтавакзал без выкарыстання грошаў з гарадскога бюджэту. Гэтым займаецца варшаўскае прадпрыемства Budner, якое ўзамен атрымае больш за палову тэрыторыі, што зараз належыць прадпрыемству PKS (Дзяржаўная аўтамабільная камунікацыя).

Унікальная для Гарадзеншчыны гага з лютага жыве пад Бераставіцай

Апошні раз у Гродзенскай вобласці гагу звычайную назіралі ў 2007 годзе. Праз дзевяць гадоў рэдкую для гэтых мясцін марскую качку зноў заўважылі. Зараз паглядзець на яе прыязджаюць арнітолагі з розных гарадоў Беларусі.

Гарадзенцам адключаць гарачую ваду 26-28 красавіка. А потым яшчэ ў маі, чэрвені і ліпені

З 26 па 28 красавіка Гарадзенскія цеплавыя сеткі будуць праводзіць выпрабаванні на цеплавыя і гідраўлічныя страты па зоне цеплазабеспячэння “Паўночнай” міні-ЦЭЦ. Гарачай вады не будзе на вуліцах: Багуцкага, БЛК (акрамя №40-46), Горкага (з №72 і далей па цотным баку, з №89 і далей па няцотным баку), Гаспадарчая (№19, 34, 4, 21, 23, 29), Урублеўскага, Друскеніцкі тупік (№2), Дамброўскага, Дубко (№7, №5), Камарова, Курчатава (да №12 па цотным баку, па №17А па няцотным баку (акрамя №1), Мясніцкая (№28), Санаторная, Будаўнікоў (цотны бок), Сухамбаева, Серафімовіча (акрамя №1, 1А, 2, 2/1), Талстога.

А з 12 мая пачнуцца прафілактычныя адключэнні вады ў асобных раёнах горада, піша “Гродзенская праўда”.

Ліквідатарка чарнобыльскай катастрофы: “Усё ўзгадваецца, дастаткова заплюшчыць вочы”

Сёлета 26 красавіка спаўняецца 30 гадоў з дня катастрофы на Чарнобыльскай АЭС. Многія жыхары Гомельскай і Магілёўскай абласцей вымушаныя былі тады пакінуць родныя мясціны і па-новаму абжывацца на Гарадзеншчыне. Карэспандэнт “Свабоды” наведаўся ў госці да былых жыхароў чарнобыльскай зоны, якія пражылі па 25 гадоў у Вялікай Бераставіцы.

На Днях культуры Ізраіля ў “Чырвонай зорцы” бясплатна пакажуць “Медузы” Этгара Керэта

Фільм лаўрэата Канскага фестывалю, ізраільскага пісьменніка і рэжысёра Этгара Керэта “Медузы” можна будзе пабачыць у кінатэатры “Чырвоная зорка” 25 красавіка. Прагляд арганізуе “Гроднааблкінавідэапракат” сумесна з Амбасадай Ізраіля ў Беларусі.

Жаданне, планаванне і апантанасць. Як гарадзенец звольніўся з дзяржаўнай працы і пачаў уласную справу

“Тры крамы пад адным дахам” – менавіта так апісваюць сваё месца працы тры маладыя прадпрымальнікі з Гродна. Яшчэ год таму кожны з іх працаваў паасобку, але мінулай вясной хлопцы аб’ядналіся, каб стварыць агульны праект – “Краму Ц”. Адзін з іх – 30-гадовы Антон Янкоўскі – дзеля ўласнай справы адмовіўся ад працы выкладчыка. І не шкадуе.