Кубак Беларусі па шашках сярод самых юных аматараў праходзіць 8-10 красавіка ў найстарэйшым шахматна-шашачным клубе Гродна. Шляхам кваліфікацыі сюды патрапілі лепшыя прадстаўнікі з кожнай вобласці: усяго 7 каманд па 5 чалавек. Лепшая каманда атрымае кубак і грашовае ўзнагароджанне.
У Гродне прайшла першая з дзвюх сустрэч зборнай Беларусі і каманды Францыі. Гульня паміж супернікамі завяршылася ў асноўны час 1:1. Ужо ў серыі булітаў поспех апынуўся на баку зборнай Беларусі.
Цалкам адноўлены стадыён, якім цяпер будуць карыстацца не толькі школьнікі, але і жыхары ўсяго раёна, адкрылі 4 красавіка. Яго рэканструявалі ў межах трансгранічнага праекта праграмы “Латвія-Літва-Беларусь”.
Пра байкераў у Гродна ўспамінаюць штогод у канцы красавіка, калі адбываецца традыцыйны фэст “Хавайся ў бульбу”. Горад напаўняецца каларытнымі брутальнымі мужчынамі, ровам іх матацыклаў і розгаласам рокавых рытмаў. Праводзіць фестываль клуб “NASHORN FREE RIDERS” MCC ці карацей “Насарогі”. Пра частку жыцця клуба, нябачную гарадзенцам, а таксама пра побыт і традыцыі байкераў “Твайму стылю” расказаў Павел Матвееў, у байкерскім асяродку больш вядомы як “Матвей”.
Пасля таго, як з чэшскім спецыялістам Мілашам Голанем не працягнулі кантракт, пост галоўнага трэнера гарадзенскай хакейнай каманды заняў Сяргей Пушкоў, які ўжо вядомы шматлікім гарадзенскім заўзятарам.
Першы ў горадзе конкурс па хуткасным паяданні сушы прайшоў 7 красавіка ў кафэ “Kioto” ў гандлёвым цэнтры OldCity. Каля 20 гарадзенцаў ўдзельнічалі ў конкурсе, але параўнацца ў хуткасці з Русланам Кулевічам не змог ніхто. У выніку журналіст з “Твайго стылю” атрымаў падарункавы сертыфікат, жартоўнае званне “самага японскага гарадавога” і магчымасць паехаць у падарожжа на Мальдзівы… за свой кошт.
Праз суткі пасля публікацыі матэрыяла пра праблемы скейтараў ля драмтэатра, граніт на тэрыторыі аб’екта стаў чыстым. Кіраўніцтва тэатра хутка адрэагавала на праблему. Салідолу больш няма, а моладзь працягвае катацца.
Пасля месяца тэставання першая ў Гродне платная паркоўка пачала працаваць у платным рэжыме. Як і раней, машын на ёй амаль няма. Мы некалькі разоў цягам дня прыходзілі на стаянку, каб параўнаць сітуацыю.
Журналісты 103.by сустракаюцца з неардынарнымі людзьмі, якія здзіўляюць сваім аптымізмам, мэтанакіраванасцю і шыкоўнай фізічнай формай. Гэтым разам яны былі ў гасцях у Нінэль Блахіной. Гэтай жыхарцы Гродна зусім не дасі яе 70 гадоў, яна актыўна займаецца ёгай, катаецца на роліках і аб’ездзіла з падарожжамі паўсвету.
“Каб прыцягнуць турыстаў з Еўрасаюза, мы ўжо зрабілі бязвізавы ўезд на тры дні ў Белавежскую пушчу. Тое ж самае плануем зрабіць на Аўгустоўскім канале”, – сказаў міністр спорту і турызму Беларусі Аляксандр Шамко на міжнародным кірмашы турысцкіх паслуг “Адпачынак- 2016”. Адпаведнае прапанова знаходзіцца на разглядзе ва ўрадзе, піша Белта.
