“Партрэты свету” прадставіў у Гродне польскі мастак Гжэгож Функе. Мужчына з Кубы – абавязкова з сігарай, Тыбет – манахі падчас малітвы, Англія – вартавы Тауэра. Гжэгож нібы пацвярджае сваімі здымкамі нашыя стэрэатыпныя ўяўленні пра далёкія краіны.
Апошнім часам зноў ідуць чуткі пра павышэнне коштаў на цукар. Называюць новыя кошты хто па 7 тысяч, а хто і па 10 замест цяперашніх 5 тысяч за кілаграм. Старшыня канцэрну “Белдзяржхарчпром” Іван Данчанка сёння паведаміў, што кошты на цукар не павысяцца да з’яўлення ў крамах гэтага прадукту з буракоў новага ўраджаю.
Каманда спартоўцаў ад непрызнанага ўладамі Саюзу палякаў на Беларусі адправіцца сёння з Гродна для ўдзелу ў XV Сусветных летніх “Паланійных гульнях” (Igryska Polonijne) ва Уроцлаў.
Бюджэт Гродзеншчыны даатрымаў каля 200 мільёнаў рублёў пасля праверкі падаткавікамі фізічных асобаў, чые выдаткі перавышаюць прыбытак.
На сайце Гродзенскай праваслаўнай епархіі выкладзеныя аўдыёфайлы запісаў музычных калектываў Міжнароднага фестывалю праваслаўных песнапенняў “Каложскі дабравест”.
У палату прадстаўнікоў унесены законапраект, паводле якога масавая прысутнасць грамадзянаў у адным месцы для “загадзя вызначанага дзеяння ці бяздзеяння” прыраўноўваецца да пікетавання. Адпаведныя змены і дапаўненні ў Закон РБ “Аб масавых мерапрыемствах” прапануе ўнесці Савет міністраў.
На пачатак ліпеня былі запланаваныя конкурсы па продажы акцый шасці прадпрыемстваў. І ніводзін з іх не адбыўся! Паводле словаў старшыні Камітэта па маёмасці Георгія Кузняцова, у гэтым вінаваты… “чырвоны” дырэктарат прадпрыемстваў. Еўрарадыё адшукала дырэктараў, якія “супраціўляюцца” прыватызацыі.
Грамадзянін Польшчы спрабаваў вывезці з Беларусі 9500 пачкаў цыгарэт. Для іх незаконнага перамяшчэння ўладальнік аўтамабіля прыварыў да дна металічны кораб.
Хоць не ўпершыню чуваць галасы, што фестываль ліхаманіць, сёлетнія БАСы, як і ўсе папярэднія, даказалі, што імпрэза – жывей жывога.
У Гродне заквітае баршчэўнік Сасноўскага, небяспечны для чалавека, перш за ўсё, апёкамі скуры. Канцэнтрацыя раслін знаходзіцца ў раёне аўтарынка, на вуліцы Суворава, каля «Водаканала», у «Зарыца». На яго знішчэнні, акрамя хімічных спосабаў, будзе задзейнічана і тэхніка гарадской ЖКГ.
