Пажарную частку №6 на ЦЭЦ-2 плануецца расфарміраваць у сувязі з аптымізацыяй колькасці работнікаў у Гродзенскім упраўленні МНС. Супрацоўнікаў, у якіх выслуга гадоў больш, перавядуць у гарадскія часткі, на месцы маладых, у якіх заканчваецца тэрмін дзеяння кантракта. Пра гэта “Твайму стылю” паведаміла крыніца ў Абласным упраўленні МНС.
Зайздрасць падштурхнула 16-гадовага гарадзенца да псавання чужой маёмасці. Хлопец пагрукаў у дзверы сяброўкі, у якой неаднаразова начаваў, але, не застаўшы яе дома, раззлаваўся і падпаліў дзверы, паведамілі ў прэс-службе УУС Гродзенскага аблвыканкама.
Наймацнейшая каманда рэгулярнага чэмпіяната Беларусі ў двух матчах чвэрцьфіналу лёгка абыграла свайго малодшага брата “Прынёманне”. У паўфінале падапечныя Андрэя Васiлеўкі сустрэнуцца з “Барысфенам”.
Сэлфі ў люстэрку – абавязковы элемент кожнага паходу ў бар. Асабліва, калі прыбіральня там незвычайная ці проста прыгожая. А таксама, калі аўтарка фоткі нямала часу прысвяціла падрыхтоўцы да выхаду ў горад. Здараюцца і здымкі з месца працы. Мы адшукалі ў Instagram самыя цікавыя і шалёныя фота ў прыбіральнях гродзенскіх клубаў, бараў і рэстаранаў.
У Гродне няшмат месцаў, дзе можна купіць сувеніры. Ды і выбар таксама невялікі. У сувенірных кіёсках, крамах ці кнігарнях тыя самыя магніцікі, паштоўкі, талеркі і кубкі. Нешта цікавае знайсці няпроста, аднак з падарожжа сувенір прывезці трэба. А часам патрэбны падарунак госцю. Журналістка “Твайго стылю” выбрала самыя цікавыя, на яе погляд, гарадзенскія сувеніры.
Кажуць, што сучасныя дзеці аддаюць перавагу камп’ютарным гульням і смартфонам, а не спорту на свежым паветры. Але ж часта пры ўсім жаданні ім няма дзе пагуляць у сваім жа двары, лічыць жыхарка Гродна Вольга. Яна ўзняла праблему дваровага спорту ў сваім раёне на вуліцы Белыя Росы. Яе ідэя аднаўлення баскетбольнай пляцоўкі прайшла нават адбор у конкурсе “Горад”.
Гурт прэзентуе відэа на песню “Яна” са свайго дэбютнага альбома “Усё бачаць”. На здымкі гэтага кліпа пайшло ажно тры гады, піша tuzin.fm.
Людзі, якія сёння ў Гродне не маюць працы і шукаюць яе ў Цэнтры занятасці, успрымаюць указ аб падвышэнні пенсійнага ўзросту з разгубленасцю. Але знаходзяцца і тыя, хто дае дзяржаве свае парады.
Невядомы ў перыяд з 1 па 5 красавіка свабодна прайшоў на тэрыторыю СВК “Пархімаўцы” ў вёсцы Даўбенкі Бераставіцкага раёна і забраўся ў зернесховішча. Адтуль ён скраў французскае насенне цукровых буракоў агульным коштам больш за мільярд рублёў.
Музычна-паэтычны вечар “Самы непрачытаны паэт” да 130-годдзя з дня нараджэння Мікалая Гумілёва пройдзе 17 красавіка ў клубе праваслаўнай размовы пры Свята-Пакроўскім кафедральным саборы Гродна. Пачатак у 18.30. Уваход у актавую залу сабора – на фота ніжэй.
