Гродзенскія памежнікі канфіскавалі 4,5 тысячы пар абутку і партыю гаджэтаў

|

На беларуска-польскай мяжы ў запасным коле мікрааўтобуса знайшліся 47 iPhone 5  Apple.

Пра незаконны перавоз на тэрыторыю Беларусі гаджэтаў памежнікі атрымалі інфармацыю напярэдадні.

44-гадовы жыхар Гарадзенскага раёна накіраваўся на “зялёны канал”, але яго ўжо чакалі.

Калі пры знешнім аглядзе незадэклараваныя тавары знайсці не атрымалася, супрацоўнікі мытні накіравалі машыну на паглыблены дагляд і знайшлі схованку.

 

У гэты ж дзень з Літвы ў Казахстан праз Беларусь кіравалася грузавая “Сканія”.

Яе затрымалі непадалёк ад Гродна.

Замест задэклараванага абутку з сінтэтычных матэрыялаў фура перавозіла дарагі абутак з натуральнай скуры. Заніжэнне мытных плацяжоў магло перавысіць 1,7 мільярда рублёў.

4500 пар абутку коштам 5 мільярдаў 480 мільёнаў рублёў затрыманыя.

 

Паводле прэс-службы Гродзенскай памежнай групы