Гардзееў: “Горадня ці Гародня? Мы не адкажам на гэтае пытанне дакладна…”
Падзею наведала некалькі дзесяткаў чалавек, у тым ліку вядомыя гісторыкі, як Алесь Краўцэвіч ды Алесь Смаленчук.
Горадзен – Городно – Гародня; Кронас – Кронан – Нёман… – кніга Юрыя Гардзеева распавядае пра назвы, якія замацоўваліся ў розныя часы як за горадам, так і за ягонымі канкрэтнымі часткамі.
Алесь Краўцэвіч і Юры Гардзееў
“Назвы паспелі перажыць эвалюцыю за гэты час. Напрыклад, вуліца магла называцца “З рынку да замку”, што пазней ужо гучала занадто доўга і нязграбна” – заўважыў аўтар.
Гардзееў таксама адказваў на пытанні з залу. На адно з найбольш вострых, аднак, так і не выказаўся адназначна:
“Горадня ці Гародня? Мы не адкажам на гэтае пытанне дакладна: націскаў тады не ставілі ў дакумантах ды летапісах”.
На пытанне, ці будзе кніга мець працяг, гісторык адказаў аптымістычна і адназначна: будзе.
Здымкі Яна Лялевіча