Гарадзенцаў запрашаюць на суботнік у лес
У бліжэйшую суботу Гродзенскі лясгас заахвочвае гарадзенцаў прыбраць лес ад смецця і несанкцыянаваных сметнікаў.
Перадусім супрацоўнікі лясгасу заклікаюць гаспадароў дачных участкаў ачысціць лясы ад смецця хаця б у радыюсе 100 метраў ад сдаводчых таварыстваў.
Сёлета акцыя ладзіцца пад дэвізам “Захоўваючы лес, мы захоўваем будучыню”.
Добраахвотнікі будуць працаваць у лясах уздоўж дарог рэспубліканскага прызначэння, у месцах адпачынку, куды найчасцей наведваюцца людзі і забываюцца прыбіраць за сабой.
Далучыцца да акцыі “Чысты лес” можа кожны ахвотны.
Даведацца, дзе і калі найбольш патрэбная вашая дапамога можна, звярнуўшыся ў Гродзенскі лясгас па тэлефоне 41-46-13.
Здымак http://chernogolovka.ru