У Гродне пройдуць слінга-флэш-моб, слінгашэсце і слінгаквэст

|

Распачне мерапрыемствы Тыдня ў Гродне Слінга-флэш-моб.

 

8 кастрычніка непадалёк ад пажарнай каланчы па вуліцы Замкавай будуць шпацыраваць слінгамамы з паветранымі балонікамі, напоўненымі геліем.

У 11.59 усе збіраюцца ля каланчы, слухаюць выступ трубача, пляскаюць у далоні, крычаць “брава”, “біс”, пускаюць балонікі ў неба і разыходзяцца.

 

9 кастрычніка адбудзецца Слінгашэсце.

А 12-ай гадзіне слінгамамы збяруцца ля фантана на Савецкай плошчы, адкуль пройдуць да моладзевага цэнтра.

У 12.35 ад моладзевага цэнтра ўсе пройдуцца да гандлёвага дома “Нёман”, адтуль – да помніка Леніну, а ў 13.25 – да месца традыцыйных сустрэч ля сцэны ў парку Жылібера.

 

13 кастрычніка пройдзе Сямейны квэст на тэму гісторыі Гародні, да ўдзелу ў якім запрашаюцца сем’і (каманды) ад 2 ад 5 чалавек (максімум 3 дарослых) разам са сваякамі і сябрамі ў слінгах альбо з каляскамі.

Гульня пачнецца ў 11.00 і разлічана на паўтары гадзіны.

 

Падрабязна пра мерапрыемствы Тыдня слінганашэння ў Гродне і магчымасці ўдзелу ў іх можна даведацца на сайце дзяцей і бацькоў Гродна.

Мэта Тыдня – папулярызацыя нашэння дзяцей на руках і ў слінгах, якое лічыцца натуральным і карысным для здароўя маці і дзіцяці.