Мільён даляраў у год каштуе інсулін для хворых на цукроўніцу жыхароў Гарадзеншчыны

|

За 8 гадоў колькасць хворых на цукровы дыябет у Гродзенскай вобласці павялічылася ў 5 разоў.

Лічбы агучыла галоўны ўрач Гродзенскага абласнога эндакрыналагічнага дыспансера Людміла Коўшык.


Калі ў 1995 годзе выявілі 55 першасных хворых на 100 тысяч жыхароў, то ў 2011 ужо 220 чалавек, у 2012 годзе  – 239, сёлета – 300.

На Гарадзеншчыне зарэгістравана больш за 27 тысяч 600 жыхароў з дыябетам: 1,8 тысячы хворыя на цукроўніцу першага тыпу, астатнія – другога.

За 9 месяцаў сёлета на ўлік паставілі 2 тысячы чалавек, у тым ліку 21 дзіця.

 

Толькі на забеспячэнне інсулінам жыхароў вобласці ў год выдаткоўваецца мільён даляраў.

Людміла Коўшык адзначыла, што дзеля зніжэння колькасці ахвяр цукровага дыябету неабходна больш распавядацьлюдзям пра прычыны ўзнікнення захворвання і яго наступствы. Вучыць здароваму ладу жыцця, правільнаму харчаванню. Прапагандаваць фізічную актыўнасць.

Сярод фактараў рызыкі – генетычны, лішняя вага, стрэсы, маларухомы лад жыцця, нерацыянальнае харчаванне, гіпертэнзія.

 

Паводле http://www.belta.by