Іван Крук рыхтуе апеляцыю ў абласны суд
26 чэрвеня Астравецкі раённы суд пакараў Івана Крука на 700 тыс. руб штрафу за тое, што раздаваемыя актывістам выданні з інфармацыяй пра магчымыя негатыўныя наступствы будаўніцтва атамнай станцыі на Астравеччыне былі без прадугледжаных законам выходных дадзеных.
Іван Крук не згодзен з такім рашэннем:
– Займаюся зараз падрыхтоўкай скаргі ў абласны суд. Спадзяюся на адмену штрафу.
На маю думку, дзеянні раённых уладаў скіраваныя на тое, каб блакаваць усялякую непажаданую для іх інфармацыю пра Астравецкую АЭС – адзначыў сёння ў каментары для “Твайго стылю” актывіст антыядзернай кампаніі.
Фота з архіву “Твайго стылю”