Новыя падрабязнасці аварыі з цяжкімі наступствамі ў Гродне (відэа)

|

 

Нагадаем, што 9 верасня 18-гадовы кіроўца аўтамабілю “Seat Ibiza” выляцеў з дарогі на прыпынак грамадскага транспарту і збіў дзвюх жанчын. Адна з іх загінула. 

 

Пасля затрымання высветлілася, што хлопец знаходзіцца пад уплывам нейкіх рэчываў (магчыма, спайсаў – паведамляе прэс-служба ДАІ).

 

Маладога кіроўцу, якому ў кастрычніку будзе 19 год, накіравалі ў шпіталь хуткай дапамогі. Праз некалькі гадзін хлопец збег са шпіталю праз вакно і, без аддзення, накіраваўся ў Пышкі. Пасля чаго, пераплыў Нёман і хаваўся ў лесе.

 

Вечарам 18-гадовага парушальніка затрымалі і вярнулі ў шпіталь, дзе за ім сочаць ахоўнікі. 

 

Крымінальная справа ўзбуджана па ч.4 арт.317 КК Беларусі – кіраванне транспартам пад уплывам наркатычных сродкаў, якое выклікала смерць. 

 

Малады чалавек атрымаў права на кіраванне два месяцы таму. Не вучыўся і не працаваў. 

 

На старонцы хлопца ў сацыяльнай сетцы Ўкантакце жыхары Гродна актыўна выказваюць сваю думку.