Офіс “Невядомай Еўропы” адчынілі ў трэці раз
На прэзентацыю офіса праекта “Невядомая Еўропа” высокі госць прыйшоў пешшу пасля сустрэчы са старшынём аблвыканкама Ўладзімірам Саўчанкам.
Як зазначыў журналістам сп. Тэйшэйру (на здымку), гэта быў “візіт ветлівасці”, скіраваны на знаёмства з Гарадзеншчынай і тымі праектамі, якія фінансуюцца ў Гродне за еўрапейскія грошы.
Пасла суправаджаў старшыня гарвыканкаму Барыс Казялкоў.
У час адкрыцця “Невядомай Еўропы” высокі госць выказаў спадзяванне, што гэты праект дазволіць зрабіць Гродна сапраўдным турыстычным цэнтрам не толькі для жыхароў памежных рэгіёнаў Беларусі і Польшчы, але і іншых краін, а таксама паспрыяе развіццю гаспадаркі на Гарадзеншчыне.
Офіс “Невядомай Еўропы” за гэты месяц урачыста адчыніўся ўжо другі раз. 6 ліпеня яго “адчынялі” з нагоды візіта прадстаўніцы аддзела Праграмы Еўрапейскага Саюзу ў Беларусі і Украіне Клаўдыі Фішэр.
Фота Вітаўта Рудніка