Каманда з Ліды з перамогі стартавала ў еўрапейскай Лізе чэмпіёнаў (абноўлена)

Каманда з Ліды з перамогі стартавала ў еўрапейскай Лізе чэмпіёнаў (абноўлена)

Такое права каманда з Ліды заваявала пасля таго, як стала сёлета чэмпіёнам Беларусі.

Супернікамі хлопцаў з Ліды на турніры, які праходзіць у венгерскім Дзьёры, з’яўляюцца мясцовы “Дзьёры ЭТО” (Győri ETO FC), брытанскі “Баку Юнайтэд” (Baku United FC) і харвацкі “Нацыяналь” (FC Nacional Zagreb).

У элітную стадыю Лігі чэмпіёнаў праб’юцца 2 наймацнейшыя каманды з групы.

29 верасня “Лідсельмаш” гуляў з гаспадарамі турніру і перамог іх з лікам 4-3 (па два галы забілі Іваноў і Чахоўскі).

Футбалісты з Ліды падпсавалі настрой гаспадарам турніру

30 верасня нашую каманду чакае сустрэча з брытанцамі, а 2 кастрычніка – з харватамі.

У першай сустрэчы групавога турніру “Нацыяналь” перамог “Баку Юнайтэд” з лікам 5-4.

Футзальная Ліга чэмпіёнаў адлічвае сваю гісторыю з сезону 2001/2002 гг. Сем разоў з чатырнаццаці розыгрышаў у турніры перамагалі каманды з Іспаніі.

У мінулым годзе чэмпіёнам стаў “Кайрат” з Казахстану.

Каманда з Ліды ў 2012 г. ужо гуляла ў гэтым турніры, але не здолела выйсці з групы ў элітны раўнд.