Беларускія сотавыя аператары гатовыя забяспечыць Wi-Fi у грамадскім транспарце

Сотавыя аператары ў самы бліжэйшы час гатовыя забяспечыць беларускі грамадскі транспарт Wi-Fi кропкамі доступу пасля таго , як Мінсувязі істотна спрасціла гэты працэс, піша TUT.BY.


Як распавялі ў прэс-службе velcom, у аператара «самыя шырокія планы» па забеспячэнні Wi-Fi грамадскага і міжгародняга транспарту і «ужо ёсць гатовае тэхнічнае рашэнне».

 

Аператар чакаў дазволу Мінсувязі, і вось цяпер ён атрыманы. У кампаніі дапускаюць як самастойнае абсталяванне транспарту Wi-Fi кропкамі доступу, так і продаж свайго тэхнічнага рашэння іншым арганізацыям.

 

У life 🙂 распавялі наступнае: «У кампаніі ўпэўненыя, што неабходныя змены і дапаўненні ў тэкст заканадаўства станоўчым чынам паўплываюць на рэалізацыі будучых праектаў, звязаных з прадастаўленнем бесправаднога доступу да сеткі інтэрнэт у грамадскім транспарце краіны. Аператар life 🙂 плануе рэалізацыю такіх праектаў».

 

У прэс-службе аператара распавялі, што кампанія ўжо ажыццяўляе некалькі ўласных праектаў па забеспячэнні Wi-Fi у некаторых міжгародніх маршрутных таксі і аўтобусах, а таксама вядзе перамовы з іншай арганізацыяй з нагоды новага сумеснага праекта.

 

У МТС распавялі, што аператар «актыўна развівае гэты напрамак як для аб’ектаў, так і для транспарту», аднак аб канкрэтных мерах не паведамілі.