Тэрмін утрымання пад вартай працягнуты

|

Сёння скончыўся чарговы тэрмін следства па справе ваўкавыскіх прадпрымальнікаў Мікалая Аўтуховіча і Уладзімера Асіпенкі. Тэрмін утрымання пад вартай працягнуты да 8 студзеня.


Нагадаем, прадпрымальнікі абвінавачваюцца ў падрыхтоўцы тэракту.

Адвакат Павал Сапелка: – Следства практычна завершана, але тэрмін утрымання пад арыштам працягнуты да 8-га студзеня.

Ён працягнуты для азнаямлення з матэрыяламі справы.

Па словах адваката, абвінавачаныя азнаёміліся фактычна з паловай матэрыялаў крымінальнай справы.

Пакуль усе матэрыялы не будуць вывучаныя, справа не можа быць перададзеная ў пракуратуру з далейшым накіраваннем яе ў суд.

Павел Сапелка таксама паведаміў, што амаль кожны дзень сустракаецца са сваім падабаронным і распавёў пра стан яго здароўя: – У прынцыпе, па-ранейшаму.

Адзінае, што хвалюе – пытанне стаматалагічнага пратэзавання, якое ўпарта нікім не вырашаецца.

Ідзе перапіска, якая пакуль ніякіх вынікаў не прыносіць.

Паводле http://www.racyja.by

фота з сайта http://nn.by