Камітэт дзяржкантролю менш правярае – больш штрафуе
Вынікі працы КДзК на Гродзеншчыне падсумаваў старшыня камітэта Сяргей Раўнейка.
Летась Камітэт дзяржкантролю правёў па вобласці 462 праверкі, што ў два разы меньш, чым у 2008 годзе, затое агульная сума штрафаў па іх выніках склала 5,2 мільярда рублёў (182% у параўнанні з папярэднім годам).
Па выніках праверак узбуджана 116 крымінальных спраў, па 45 з іх абвінавачваюцца кіраўнікі.
Да адміністратыўнай адказнасці прыцягнута 1132 асобы, якія выплацілі 318 мільёнаў штрафаў.
70 службоўцаў, сярод якіх 33 кіраўнікі, вызваленыя ад пасад.
Сёлета пад асаблівай ўвагай КДзК на Гродзеншчыне будзе будаўніцтва АЭС, ГЭС, развіццё інфраструктуры Аўгустоўскага канала.
Камітэт праверыць мэтавае выкарыстанне бюджэтных сродкаў, выкананне праграмы мінімалізацыі імпарта, колькасць прадукцыі на складах прадпрыемстваў і расход сродкаў на падрыхтоўку і правядзенне ў Лідзе рэспубліканскіх “Дажынак”.
Паводле БелТА