Аматары эсперанта збяруцца ў Гродне

У аснову новай мовы яе стваральнік паклаў раманскія, германскія, славянскія мовы, а таксама іўрыт і ідыш.

Як паведамляе „Kurier Poranny”, сёлетнія святкаванні распачнуцца 26 траўня ў Беластоку, родным горадзе моўнага вынаходніка.

Тут адбудуцца разнастайныя вулічныя мерапрыемствы, імпрэзы, адкрыццё мемарыяльнай дошкі Заменгофу.

Да святкаванняў будзе таксама прымеркаваная супольная пілігрымка у святыя мясціны Беласточчыны – да Святой вады і на Грабарку.

30 траўня святкаванне перанясецца ў Гародню.

Тут Заменгоф пражыў чатыры гады, працаваў акулістам.

Паслядоўнікі Заменгофа наведаюць наш горад, каб прайсціся “Па слядах Людвіка Заменгофа”.

Эсперанта лічыцца адным з найбольш удалых праектаў штучных моў.

Сёння на ёй можа размаўляць да 2 мільёнаў чалавек.