Беларуская дыктоўка ў Гародні: усе разышліся шчаслівыя
Тэкст дыктоўкі прачытаў паэт і перакладчык Андрэй Хадановіч, які па сканчэнні афіцыйнай часткі зладзіў для прысутных сапраўдную літаратурна-музычную імпрэзу.
Юра, удзельнік дыктоўкі:
“Людзі сядзелі ўсюды, дзе было можна. Я ўбачыў шмат незнаёмых твараў, хаця думаў, што, як заўсёды, будуць усе свае, так што быў прыемна здзіўлены.
Гэтым разам было шмат падарункаў. Кожны ўдзельнік атрымаў акрамя традыцыйных асадак, тэчкі, дыск з дакументальным фільмам “Беларусь пад нямецкай акупацыяй” ад БЕЛСАТУ, кашулькі ад Радыё Рацыя, газету “Ніва”.
Мэта правядзення дыктоўкі – прадэманстраваць салідарнасць з беларускай мовай і адно з аднымі, на думку арганізатараў, дасягнутая.
Эдвард Дмухоўскі, адзін з арганізатараў:
“Мы задаволеныя, таму што тыя тэхнічныя ўмовы, якія мелі, выкарысталі на 100 адсоткаў. Большай колькасці людзей заля проста не магла змясціць.
Усе разам мы стварылі добры настрой, свята для ўсіх, ад мала да вяліка.
Шмат знаёмых не было, затое было шмат новых людзей. Пасля дыктоўкі ўсе разышліся шчаслівыя”.
Фота з сайта http://www.svaboda.org