Тыдзень танцаў у каледжы мастацтваў

|

Цягам юбілейнага тыдню ў каледжы ладзяцца адкрытыя рэпетыцыі танцавальных калектываў, круглыя сталы, канцэрты навучэнцаў і выпускнікоў.

Выкладчыца харэаграфіі Наталля Паўлаўна Парахневіч:

“Мы даем нашым удзельнікам з вобласці тое, што ім цікава, што яны просяць. На працягу чатырох дзён мы праводзім майстар-класы, урокі практыкумы.

Удзельнікі семінара могуць не толькі папрысутнічаць на нашых уроках, але і ўдзельнічаць у працэсе, задаваць пытанні, атрымліваць кансультацыі.

Мы можам прыпыніць урок, каб нешта абмеркаваць, а пасля працягваць працу”.

Да ўвагі кіраўнікоў самадзейных танцавальных калектываў – урокі па класічных, народных, бальных танцах, гімнастыцы, па кампазіцыі і пастаноўцы танца.

Выкладчыкі каледжа мастацтваў ведаюць, як падрыхтаваць прафесіяналаў: іх выхаванцы стварылі вядомыя далёка за межамі Беларусі аматарскія танцавальныя калектывы “Лялечкі”, “Мішутка”, “Пінская шляхта”, “Калейдаскоп”, “Мадэрн”.

Фота з сайта http://dancepole.net.ua