Студэнты пойдуць у войска, але атрымаюць адтэрміноўку па крэдытах

|

Палата прадстаўнікоў прыняла законапраект “Аб унясенні зменаў і дапаўненняў у Закон “Аб вайсковым абавязку і вайсковай службе”. Дзеля забеспячэння абароны і бяспекі Беларусі ў сувязі са значным скарачэннем колькасці прызыўнікоў адмененая адтэрміноўка для завочнікаў.


Законапраект акрамя таго пашырае катэгорыю асобаў, якія мусяць прымаць вайсковую прысягу: яе павінны прыняць студэнты, што навучаюцца па праграме падрыхтоўкі малодшых камандзіраў і афіцэраў запаса.

Дакумент замацоўвае дадатковыя ўмовы датэрміновага спынення кантракта з вайскоўцамі-кантрактнікамі.

Калі законапраект будзе прыняты, гэта можна будзе зрабіць за першае ж парушэнне ўмоваў кантракта.

Парадаваць Законапраект можа хіба прызыўнікоў, якія маюць абавязкі па крэдытах: ён прадугледжвае магчымасць прадстаўлення адтэрміноўкі па выплаце крэдытаў на будаўніцтва альбо набыццё жылля грамадзянам, якія знаходзяцца на тэрміновай вайсковай службе.

Фота з сайта http://www.segodnya.ua