У Мінску абмяркуюць экалагічныя наступствы будаўніцтва Нямноўскай ГЭС

|

Удзельнікі семінара, які пройдзе 15-16 ліпеня, атрымаюць інфармацыю пра вынікі ацэнкі ўздзеяння Нямноўскай ГЭС  на навакольнае асяроддзе. Планы па будаўніцтве гэтай станцыі ставяць пад пагрозу і перспектывы развіцця турызму ў раёне Аўгустоўскага канала. ГЭС будзе знаходзіцца ў 20 км. ад Гродна ніжэй па Нёмане. Плаціна станцыі будзе мець вышыню каля 9 м.


Нямноўская ГЭС будзе знаходзіцца ў 20 км. ад Гродна ніжэй па Нёмане. Плаціна станцыі будзе мець вышыню каля 9 м.

 

У выніку будаўніцтва станцыі пад ваду пойдзе каля 590 га зямлі. У тым ліку – каля 150 га леса, 41 жылы дом, больш 200 лецішчаў, лінія электраперадачы і каналізацыйны калектар, якія будуць перанесеныя.

 

Кошт будаўніцтва станцыі складзе каля 100 млн. даляраў, але энэргетыкі спадзяюцца на тое, што гэтыя выдаткі хутка акупяцца.

 

У час грамадскага абмеркавання магчымых наступстваў будаўніцтва Нямноўскай ГЭС, якое адбылося 10 сакавіка ў Гродне, былі агучаныя страты для прыроды – знікненне каля 25 гектараў каштоўнага лесу,асобных відаў раслін і жывёл, якія жывуць на гэтай тэрыторыі.

Так, толькі магчымыя страты ад смерці рыбы ацэненыя больш як у міліярд рублёў.

 

Тым не менш, на думку распрацоўшчыка ацэнкі ўздзеяння на навакольнае асяроддзе, супрацоўніка Навукова-даследніцкага інстытута комплекснага выкарыстання водных рэсурсаў Уладзіміра Карнеява, экалагічныя наступствы будаўніцтва Нямноўскай ГЭС не будуць значнымі.

 

Спецыялісты, аднак, занепакоеныя магчымымі негатыўнымі наступствамі не толькі для прыроды, але і для турызма.

 

Так, на думку кіраўніка праекта “Невядомая Еўропа” Сяргея Каляды, будаўніцтва плаціны Нямноўскай АЭС створыць перашкоды для развіцця турызма ў раёне Аўгустоўскага канала.

 

Зараз спецыялісты “Гроднаэнэрга” распрацоўваюць варыянты будаўніцтва судаходнага шлюзу ў плаціне альбо канала ад Аўгустоўскага канала да вадасховішча станцыі з выкарыстаннем існуючага шлюза “Нямнова” для аматараў воднага турызму.

 

Калі Нямноўская ГЭС толькі праектуецца, то будаўніцтва Гарадзенскай ГЭС (на здымку) павінна скончыцца ўжо ў наступным годзе.