Прыгоды аматараў язды без правіл
Два супрацоўніка Ваўкавыскага прыватнага унітарнага прадпрыемства ўзялі “Фальксваген Транспарцёр” у гаражы прадпрыемства і паехалі на дыскатэку ў Слонім.
Адзін з іх, 1987 года нараджэння, праў кіроўцы не меў, другі, на год старэйшы, неаднойчы затрымліваўся за кіраванне транспартам у нецвярозым стане.
Хлопцы весяліліся ўсю ноч, і назад вярталіся ўжо пад раніцу. Каля вёскі Сынкавічы кіроўца заснуў і машына сутыкнулася з прыпаркаваным аўто, у салоне якога знаходзіліся два чалавекі.
На шчасце ў ДТЗ ніхто не пацярпеў, а пьяных аматараў катацца на чужых машынах затрымалі супрацоўнікі ДАІ.
Паводле БЕЛТА