“Пікавая дама” да юбілею тэатра лялек

|

Спектакль прымеркаваны да 30-годдзя тэатра, афіцыйнае адкрыццё якога адбылося  1 лістапада 1980 года.

 

Гродзенскі лялечны першы з беларускіх і лялечных тэатраў бліжэйшых суседніх краін адважыўся на пастаноўку знакамітай аповесці Пушкіна.

Чаму менавіта гэты спектакль рыхтуецца да юбілею, рэжысёр Алег Жугжда трымае ў сакрэце, адкрыць які, па словах літаратурнай рэдактаркі тэатра Марыны Блажыеўскай, ён паабяцаў ужо праз тыдзень.

 

Пакуль  вядома толькі тое, што ў спектаклі будзе шмат музыкі П. Чайкоўскага і італьянскага кампазітара Гаэтана Даміцэцці ў аранжыроўцы актора лялечнага тэатра Віталя Лявонава.

Вакальнай падрыхтоўкай актораў займалася Ала Аргеткіна.

У спектаклі занятыя Дзмітрый Гайдэль, Аляксандр Енджэеўскі, Віталь Лявонаў і Ларыса Мікульчык.

Традыцыйна ў спектаклі будзе спалучацца гульня актораў з лялькамі і драматычная гульня актораў.

 

Прэм’ерны паказ “Пікавай дамы” будзе закрытым: на яго трапяць толькі запрошаныя на юбілейныя святкаванні сябры і калегі гродзенскіх лялечнікаў з тэатраў Расіі, Польшчы, Літвы і Украіны.

Калі новы спектакль убачаць гродзенцы, пакуль невядома.

 

На фота: эскіз касцюма стагой графіні да оперы “Пікавая дама”

Малюнак з сайта http://www.diary.ru/