Анжаліка Борыс атрымала ўзнагароду

|

Рашэнне пра ўзнагароду прыняў кіраўнік МЗС Польшчы Радаслаў Сікорскі.

 

Паводле прэс-службы польскага МЗС, такое рашэнне абгрунтавана тым, што спадарыня Борыс, працуючы на пасадзе старшыні Саюза палякаў, не раз дэманстравала мужнасць пры абароне правоў польскай меншасці.

 

– Анжаліка Борыс многія гады бярэ ўдзел у прапагандзе польскай культуры, гісторыі і традыцый, а таксама добрага імя Польшчы ў Беларусі, – гаворыцца ў паведамленні.

 

Былы лідар СПБ асабіста атрымала дыплом з рук намесніка міністра замежных справаў Польшчы Яна Баркоўскага.

 

Анжаліка Борыс пакінула пасаду кіраўніка СПБ у чэрвені 2010 года і зараз не ангажуецца ў справы арганізацыі.

 

Дыплом, які атрымала Анжаліка Борыс, уручаецца штогод з 1970 года.

 

Спачатку ім узнагароджвалі палякаў і прадстаўнікоў дыяспары за заслугі перад польскай культурай у свеце.

 

З 1999 года лаўрэатам можа стаць любая асоба, установа і грамадская арганізацыя, якія бяруць удзел у прасоўванні Польшчы ў свеце ў сферах культуры, палітыкі, навукі і эканомікі.

 

Фота з сайта: http://pap.pl