Сцінава дапаможа гродзенскім дзецям
У праграме трохдзённага веснавога кірмаша – аукцыён прац дзяцей Прынёмання, выступ калектыву “Карусель” з Гродна, а таксама выстава-кірмаш пальмаў, пісанак ды іншых традыцыйных велікодных вырабаў.
Галоўнай мэтай імпрэзы, на думку арганізатараў, з’яўляецца пашырэнне ведаў пра фальклор, традыцыі, звязаныя з Вялікаднем, сустрэча крэсовых палякаў з суайчыннікамі, а таксама матэрыяльная дапамога дзецям Гарадзеншчыны.
Сярод арганізатараў свята – Фундацыя дапамогі дзецям Гарадзеншчыны.
Акрамя медычнай дапамогі беларускім дзецям і іх бацькам, фундацыя на працягу дзесяці год займаецца культурнай дзейнасцю, арганізуе прыезд дзяцей Гарадзеншчыны на адпачынак у Польшчу, ладзіць выступы фальклорных калектываў на розных фестывалях, высылае святочныя падарункі для беларускіх дзяцей.
Фота з сайта ecologico.ru