Гарадзенскія вернікі адзначылі Вербную нядзелю

|

А ў суботу гарадзенская каталіцкая моладзь прайшла працэсіяй па вуліцах Гродна на ўспамін пра пакуты Езуса.

Вербная Нядзеля з’яўляецца пачаткам адзначэння галоўнай таямніцы хрысціянскай веры — пасхальнай таямніцы смерці і ўваскрасення Езуса Хрыста.

У гэты дзень у касцёлах на ўспамін уваходу Хрыста ў Ерузалем адбываецца працэсія або ўрачысты ўваход перад Святой Імшою, а таксама асвячаюцца галінкі пальмаў альбо, як у беларусаў, вярбы (адсюль выводзіцца папулярная назва свята — Вербная Нядзеля).

Асвечаная ў гэты дзень вярба захоўваецца на працягу года.

>

У народзе прынята лічыць, што яна надзеленая здольнасцю абароны ад няшчасцяў і хвароб.

 

Фота prosto-free і Яраслава Ванюкевіча