Пачобут хадайнічае пра спыненне крымінальнай справы
Адвакат журналіста Андрэя Пачобута Аляксандар Бірылаў паведаміў:
“Мы азнаёміліся з матэрыяламі крымінальнай справы і падалі хадайніцтва аб яе спыненні ў сувязі з тым, што няма падставаў для прыцягнення яго да крымінальнай адказнасці, так можна сфармуляваць.
І ў дадзены момант павінна ўжо вырашацца пытанне аб перадачы справы ў суд”.
Адвакат удакладніў, што яны з Пачобутам падалі на імя следчага Арсенія Нікольскага кожны сваё хадайніцтва.
Журналісту прад’яўлена абвінавачаньне па двух артыкулах Крымінальнага кодэксу РБ: 368 (частка І) — “абраза” і 367 (частка І) — “паклёп” у адносінах да прэзідэнта.
Па першым з іх прадугледжана пакаранне да двух гадоў зняволення, па другім — ад двух да чатырох гадоў.
Пачобута ўтрымліваюць у следчым ізалятары Гродзенскай турмы.
У аснове крымінальнай справы — публікацыі журналіста, большая частка якіх узятая з “Газеты выборчай”.
Паводле http://www.svaboda.org