У ваколіцах Аўгустоўскага канала абнавілі помнік паўстанцам 1863 г.
22 траўня 1863 году каля вёскі Кадыш адбыўся бой паўстанцкіх атрадаў з расійскімі карнікамі.
Палеглыя ў баі паўстанцы былі пахаваныя ў брацкай магіле.
Пазней на ёй быў усталяваны крыж.
Цяпер вакол новага крыжа і памятнага знака з’явілася яшчэ і густоўная металёвая агароджа.
Удзел ў адкрыцці знака браў генеральны консул Польшчы ў Гродне Анджэй Хадкевіч (на здымку).
Ён адзначыў, што беларусы і палякі разам змагаліся ў 1863 г. супраць расійскіх акупантаў.
Дыпламат згадаў таксама, што народам, якія не памятаюць сваёй гісторыі, не шануюць магілы сваіх герояў, наканавана знікненне.
Прамаўляе адзін з фундатараў памятнага знаку, кіраўнік прадпрыемства “Свідравіна” Сяргей Зылькоў.
Нягледзячы на тое, што імпрэза адбываля ў памежнай зоне ля самай беларуска-літоўскай мяжы, удзел у ёй бралі некалькі дзесяткаў чалавек з Гродна і суседніх вёсак.
>
Асвяцілі новыя крыж і знак каталіцкі і вуніяцкі святары.
Фота Ланы Руднік