Туды, дзе ёсць долары, ці Чаму замежныя футбалісты пакідаюць «Нёман»
Рэч у тым, паведамляе belsat.eu, што футбалісты зарабляюць няблага, як для нашай краіны (каля $ 3000–5000), але грошы атрымліваюць у беларускіх рублях. Легіянеры папросту не ведаюць, што рабіць з гэтымі грашыма, бо набыць валюту амаль немагчыма, а захоўваць рублі бессэнсоўна.
align=”left” >Як паведаміла крыніца з клубу, Неманья Цветкавіч (на здымку) на развітанне сказаў:
«Збіраюся паехаць туды, дзе ёсць долары!».
Увесь час, пакуль ён гуляў у Гродне, на табло стадыёну сімвалічна выводзілі НЕМАНья Цветкавіч.
Фанатаў каманды расчаравала навіна пра сыход футбаліста.
Ёсць небяспека, што іншыя замежныя гульцы будуць таксама перапыняць працоўныя кантракты.
Ужо вядома, што разарваць кантракт з «Нёманам» плануе і малдаўскі нападнік Віярэл Фрунзэ.
У сёлетнім чэмпіянаце ён забіў у складзе «Нёмана» тры галы.
На здымку: малдоўскі легіянер «Нёмана» Віярэл Фрунзэ (у зялёнай кашульцы) у барацьбе з легіянерам «Мінска» Адама Таіна Сора
Фота www.fcneman.by