На возеры Юбілейным забаранілі карыстацца катамаранамі

|

За апошнія дні на возеры патанулі два катамараны і байдарка. Людзі не пацярпелі, але праверкай сітуацыі на возеры занялася пракуратура.


Як паведамляе “Гродзенская праўда”, прыватнік-уладальнік катамаранаў лічыць прычынай здарэнняў наўмысныя дзеянні канкурэнтаў, якія, маўляў, павыкручвалі пробкі ў паплаўках катамаранаў, з-за чаго тыя пры рэзкіх рухах танулі.

 

Ці так гэта павінен адказаць тэрміновы тэхагляд усяго парку прыватных катамаранаў.

>

Як паведамляе газета са спасылкай на пракурора Кастрычніцкага раёна Ўладзіміра Клішына, на Юбілейным возеры ёсць таксама праблемы з недахопам парковак, туалетаў.

 

Пытанні ў супрацоўнікаў пракуратуры выклікае і законнасць продажу алкаголю ў папулярным сярод гарадзенцаў месцы адпачынку.

 

Фота prosto-free