Вывозіць паліва па даверанасцях забаронена
Апошнія 2 тыдні, калі кіроўца машыны ўжо не мог выехаць на ёй за мяжу часцей, чым раз на 5 дзён, гэта па даверанасцях рабілі яго блізкія і сябры.
Цяпер супрацоўнікі мытнай службы пачалі кантраляваць не толькі перамяшчэнні за мяжу грамадзян, але і транспартных сродкаў.
Такім чынам, не толькі кіроўца, але і машына не можа пакінуць Беларусь часцей, чым 1 раз на 5 дзён.
Лазейка па-ранейшаму застаецца толькі ва ўладальнікаў Карты паляка, у пашпартах якіх польскі бок не ставіць штампікі аб перасячэнні мяжы: карыстаючыся гэтым і адсутнасцю агульнай базы дадзеных, грамадзяне могуць некалькі разоў за 5 дзён трапіць у Польшу праз розныя памежныя пункты пропуску.
Затое ў законапаслухмяных беларусаў з’явіліся новыя падставы, па якіх мытня дае дазвол перасекчы дзяржаўную мяжу на ўласным транспарце не зважаючы на дату апошняй паездкі.
Гэта сустрэча ці провады родных і знаёмых альбо ўласны ад’езд з польскага вакзала ( аэрапорта). Размову з супрацоўнікамі мытнай службы ў гэтым выпадку можна пачынаць толькі пры наяўнасці білетаў;
-Дагляд хворых родных, якія жывуць на тэрыторыі Польшчы (таксама неабходная даведка);
-Наведванне дзіцяці, якое знаходзіцца ў Польшчы на летнім адпачынку;
-Праца на лецішчах (калі грамадзянін – шчаслівы ўладальнік зямельнага ўчастку на тэрыторыі Польшчы) .
Але нават у гэтых выпадках нельга перавозіць каністры з палівам, а дазвол на выезд можа даць толькі начальнік мытнага паста ці змены.
Заўтра з 10 да 11 гадзін старшыня Дзяржаўнага мытнага камітэту Аляксандр Францавіч Шпілеўскі будзе дзяжурыць на “прамой тэлефоннай лініі”.
Падчас прамога эфіру яму можна задаць пытанне па тэлефоне 8 (017) 219 41 00.