Удалы дэбют “Нёмана”
На працягу ўсёй суботняй сустрэчы гарадзенцы мелі над гасцямі перавагу ва ўсіх кампанентах футбольнага майстэрства. Сціплы лік (адзіны гол на 52-й хв. забіў Іван Дзянісевіч) гэтую перавагу не адлюстроўвае, бо толькі Кавалёнак двойчы меў 100% шансы скіраваць мяч у браму супернікаў.
“Гомель” мог уратавацца (у канцы сустрэчы з выгоднай пазіцыі кепска прабіў Кліменка), але гэта было б вяршыняй несправядлівасці ў дачыненні да гаспадароў поля.
Лепшым футбалістам сустрэчы быў прызнаны цемнаскуры паўабаронца “Нёмана” Махамед Дзера.
Цяпер наперадзе ў “Нёмана” хатняя сустрэча 1/2 фінала Кубка Беларусі супраць “Шахцёра”. Матч пачнецца 9 красавіка ў 16-й гадзіне.
На здымку: у атацы адзін з лепшых гульцоў сустрэчы Аляксандр Сямёнаў.
Фота Яраслава Ванюкевіча.