Махляр прайграваў грошы, атрыманыя за продаж чужых аўтамабіляў
Гаспадар атрымаў распіску аб тым, што пакупнік абяцае цягам 6 месяцаў выплаціць усю суму, і перадаў дакументы на машыну.
Ужо праз пару дзён злаўмыснік знайшоў для машыны новага гаспадара, а большую частку грошай прайграў.
Наступным разам злачынец абраў для махінацый больш дарагі аўтамабіль.
Заплаціўшы 2400 долараў, ён атрымаў машыну, застаўшыся вінным яшчэ 5000 долараў. У гэтым выпадку ў дакументах на машыну не было адзнакі пра зняццё з уліку.
Праблема была вырашана пры дапамозе падробкі.
Гэтую машыну махляр абмяняў на яшчэ больш дарагую «Вольво B70» коштам 8500 долараў.
Розніцу ў коштах гродзенец як звычайна паабяцаў выплаціць, а праз 2 месяцы і гэтая машына з падробнымі дакументамі знайшла новага гаспадара, праўда ўсяго за 6000 долараў. 4000 з іх адразу ж былі прайграныя.
Наступнае аўто злачынец набыў за 6500 долараў і прададзеная адразу ж.
За наступную «Вольво С70» махляр зноў застаўся вінаваты 500 долараў.
На гэтым злачынца скончыў свой “бізнес” у Гродне і накіраваўся ў Мінск.
Там арэндаваў «Крайслер ПТ Крузер» 2002 года выпуску, зноў звярнуўся да чалавека, які падрабляў дакументы, і перапрадаў машыну ў Асіповічах усяго за 3000 долараў.
Пасля продажу апошняй машыны махляр з’ехаў на заробкі ў Расію.
Падманутыя ўладальнікі машын не адразу здагадваліся, што іх падманулі. А калі ў іх пачыналі з’яўляцца падазрэнні, машыны паспявалі змяніць да 6 гаспадароў.
Адзін з пацярпелых убачыў абвестку пра продаж сваёй машыны ў Інтэрнэце, хаця сам за яе грошы так і не атрымаў.
На сёння супрацоўнікі ўнутраных УУС устанавілі ланцужкі продажаў амаль усіх машых. Махляр сваю віну прызнаў.
Ягоны далейшы лёс вызначыць суд.
Паводле http://uvd.grodno.by