Гродзенскі заапарк ладзіць свята “Фотасесія з жывёлай”
Начальнік навукова-асветніцкага сектара заапарка Алена Уладзіміраўна Пятрова:
– Свята пачнецца ў 12.30, хаця, канешне, да хвіліны спланаваць цяжка, гэта залежыць яшчэ і ад жывёл. Запрашаем усіх прыходзіць са сваімі фотаапаратамі, каб сфатаграфаваць дзетак з жывёламі.
У нас ёсць кантактная група жывёл, якія прыручаныя.
З іх мы возьмем поні альбо восліка, лісу, труса, вужа альбо полаза. Магчыма будзе выдра Моня (калі будзе ў настроі і не вывазіцца ў брудзе).
Фатаграфавацца з жывёламі можна будзе да 14 гадзін, хаця, калі будзе вельмі шмат людзей і жывёлы стомяцца, скончым хутчэй.
Прыкладна ў 13.30 мы плануем прадставіць публіцы маленькую малпачку Клёпу. Клёпа (на фота) нядаўна нарадзіўся ў пары ліванскіх макак.
І ўвесь час будзе працаваць гульнёвая пляцоўка, на якой нашы супрацоўнікі правядуць для дзяцей конкурсы і гульні.
У гэты ж дзень заапарк зладзіць выставу-продаж трусоў, марскіх свінак і хамячкоў.
Фота з сайта http://s13.ru