У Ваўкавыску вандалы пашкодзілі памятны знак у гонар 600-годдзя Грунвальдскай бітвы

|

З усталяванага каля ваенна-гістарычнага музея імя П.Багратыёна памятнага знака, піша Волковыск.by, знік другі меч.

 

Першы меч, прымацаваны на знешнім баку помніка, быў пашкоджаны яшчэ ў пачатку верасня.

 

Па гэтым факце аддзяленне дазнання 8 верасня распачало крымінальную справу па ч.1 арт.218 КК РБ (наўмыснае пашкоджанне маёмасці.

 

Помнік, прысвечаны жыхарам Ваўкавыску, якія ўдзельнічалі ў Грунвальдскай бітве, быў адкрыты сёлета 17 ліпеня.

 

Яго аўтар – мастак Краснасельскага дома культуры Міхаіл Бабенкаў.

 

На адшліфаваным камяні – герб Ваўкавыску і вершнік Ваўкавыскай харугвы.

 

Фота з сайта http://volkovysk.by