“Мой маніфест – не быць скотам!”
На радзіме гурт залічаны ў так званы “чорны спіс” і не мае магчымасці выступаць на роднай сцэне. Да таго ж адносна заяў Сяргея Міхалка праводзіцца пракурорская праверка на прадмет абразы прэзідэнта. Аднак усе гэтыя падзеі не перашкаджаюць гурту гастраляваць па суседніх краінах з праграмай “Грай!”. Яна складаецца з прэзентацыі новага альбому “Весёлые картинки”, y якую ўваходзяць і старыя песні гурта.
Кіеўскія аматары “Ляпісаў” здзівілі гурт аншлагам. Больш за 3 тысячы чалавек прыйшло паслухаць “забаронены” гурт. Канцэрт распачаўся толькі пасля таго, як усе жадаючыя запоўнілі залю, амаль на гадзіну пазней.
alt=”Image 17404″ >
Адразу ж са з’яўленнем гурта на сцэне зала “ўзарвалася” і пачала спяваць разам з Міхалком. Прэзентацыя песень суправаджалася вершаванымі уступамі. Не магла не парадаваць музыкаў прысутнасць у залі беларускіх прыхільнікаў іх творчасці з бел-чырвона-белымі сцягамі. Толькі за мяжой можна пачуць “Belarus Freedom” і скандзіраваць “Жыве Беларусь!”
“Свобода приходит нагая,
Бросая на сердце цветы.
И мы с нею в ногу шагаем,
Беседуя с небом на ты.
Мы воины, строго ударим,
Мечами по гордым щитам.
Да будет народ государем!
Навсегда! Здесь и там!”
З цікавостак варта адзначыць выкананне “Ляпісамі” кавера “Наркомани на городі” украінскага гурта “Брати Гадюкіни”.
Хіт “Грай” Сяргей Міхалок прэзентаваў словамі Купалы:
“Дарэмна сьвістамі нагаек
Застрашыць хочуць тыраны,
Нагнаўшы чорных соцень шаек,
Акулі рукі ў кайданы,-
Душой я вольны чалавек,
І гэткім буду цэлы век!..”
Завяршальнай прагучала песня “Не быць скотам!”, якая не трапіла ў альбом.
– Рознымі спосабамі можна карыстацца ў барацьбе з ворагамі. Мы для гэтага выкарыстоўваем камунікацыю, – гаворыць Міхалок.
Фота Ігара Канановіча