“Нёман” чакаюць цяжкія дні

“Нёман” чакаюць цяжкія дні

Першую з іх “Нёман” згуляе 19 лістапада ў гасцёх у “Віцебска”. Перамога ў ёй забяспечыць камандзе спакойны фініш. Параза альбо нічыя прымусіць гарадзенскіх заўзятараў спадзявацца на ўдалы вынік апошняй гульні чэмпіянату супраць жодзінскага “Тарпеда-БелАЗ”.

 

У выпадку паразаў у абедзьвюх сустрэчаў гарадзенцам пагражаюць два пераходныя матчы са сталічным “Партызанам” за права згуляць у наступным годзе у вышэйшай лізе.

 

Гарантаваць сабе спакойную канцоўку чэмпіянату гарадзенцы маглі 5 лістапада ў хатняй сустрэчы супраць БАТЭ.

>

Задача “Нёмана”: не праляцець міма эліты!

 

У супрацьстаянні з наймацнейным клубам краіны “Нёман” глядзеўся годна, але ўсё ж саступіў з лікам 0:1.

 

Турнірная табліца чэмпіянату выглядае зараз такім чынам:

 

	каманда	гульні	ачкі
1	БАТЭ	31	65
2	“Шахцёр”	31	55
3	“Гомель”	31	51
4	“Дынама”, Мінск	31	49
5	“Белшына”	31	45
6	“Нафтан”	31	37
7	“Тарпеда-БелАЗ”	31	37
8	“Дынама”, Брэст	31	33
9	“Нёман”	31	33
10	“Віцебск”	31	32
11	“Мінск”	31	31
12	“Днепр”	31	26

 

Згодна з рэгламентам чэмпіянату, вышэйшую лігу пакідае каманда, якая зойме 12-е месца. Сётела гэта амаль напэўна будзе магілёўскі “Днепр”, які можа ўратаваць толькі цуд. На змену магілёўцам прыйдзе мазырская “Славія”.

 

Перадапошняй камандзе вышэйшай лігі давядзецца згуляць з другой камандай першай лігі – сталічным “Партызанам”.

 

Складаная турнірная сітуацыя ў другой гарадзенскай каманды. Пасля нядаўняй паразы ад “Полацка” 0-5 “Белкард” застаецца на перадапошнім месцы ў першай лізе. Калі за апошнія два туры сітуацыя не паправіцца – гарадзенцы адправяцца ў другую лігу.

 

На змену ім прыйдзе “Ліда”, якая датэрмінова выйграла турнір каманд другой лігі.

 

Фота Яраслава Ванюкевіча