Студэнтам – пра незвычайныя маршруты Гарадзеншчыны
Экскурсія па залах бібліятэкі скончылася для студэнтаў гарадзенскага ўніверсітэту імя Янкі Купалы вялізным расповедам пра незвычайныя турыстычныя маршруты Гарадзеншчыны.
Намесніца дырэктара фірмы “Мерцана” Ганна Шарэнда адзначыла, што іх фірма ў першую чаргу прапануе жыхарам і турыстам незвычайныя туры па горадзе:
-Мы, можна сказаць, “прадаем” Беларусь.
Але набываюць туры збольшага не беларусы: некалькі тыдняў таму прыязджалі дзеткі з адной літоўскай школкі, што носіць імя Ажэшкі.
Іх цікавіла ўсё, што ёсць на Гарадзеншчыне па Ашэшцы.
Палякаў цікавіць польскасць на Гарадзеншчыне: гэта і Ажэшка, і Міцкевіч, і Касцюшка.
Беларусы сваёй краінай цікавяцца мала.
Асноўнымі тэмамі сённяшняй лекцыі для студэнтаў былі: “Апошняя крэпасць Расійскай імперыі”, “Экалагічныя сцежкі “, “Міжканфесійны Гродна”.
Напрыканцы лекцыі студэнты паўдзельнічалі ў віктарыне і атрымалі невялічкія прызы.