Гарадзенцы падпісваюцца за вызваленне Алеся Бяляцкага

Распавядае гарадзенскі праабаронца Уладзімір Хільмановіч:

Збор подпісаў пачаўся па Гарадзеншчыне толькі  ўчора.

Пакуль запрашаем людзей падпісацца праз рассылкі рознага кшталту, магчыма будуць і іншыя акцыі, але гэта крыху пазней.

 

Петыцыя за вызваленне Алеся Бяляцкага з’явілася ў Інтэрнэце.

Яе падпісанты патрабуюць неадкладна вызваліць асуджанага праваабаронцу.

У петыцыі гаворыцца:

Мы выказваем сваё рашучае абурэнне вынесеным Алесю Бяляцкаму прысудам і лічым, што крымінальная справа супраць яго не мае нічога агульнага з агучанымі ў судзе мэтамі, і была распачатая выключна як сродак ціску і рэпрэсій супраць праваабаронцы, яго калег з цэнтру “Вясна” і ўсяго праваабарончага руху краіны ў прыватнасці.

Мы перакананыя, што прысуд  мае незаконны характар.

Мы патрабуем адмены незаконна вынесенага прысуду і неадкладнага вызвалення Бяляцкага.

Падпісваючы петыцыю, мы выказваем сваю шчырую падтрымку Алесю і спадзяемся на ягонае хутчэйшае апраўданне і вызваленне справядлівым судом.

Мы заклікаем усіх грамадзян Беларусі, прадстаўнікоў міжнароднай супольнасці выступіць у падтрымку Алеся Бяляцкага і патрабаваць ягонага найхутчэйшага вызвалення.

 

Кожны можа далучыцца да патрабаваньня адмяніць незаконна вынесены прысуд, паставіўшы свой подпіс пад петыцыяй.

 

Кіраўнік незарэгістраванага ў Беларусі праваабарончага цэнтра “Вясна” Алесь Бяляцкі асуджаны да 4,5 гадоў пазбаўлення волі з адбываннем пакарання ў калініі ўзмоцненага рэжыму, з канфіскацыяй маёмасці і пазбаўленнем права займацца грамадскай дзейнасцю.