У Астраўцы адбудзецца першы ў Беларусі рок-фестываль хрысціянскай музыкі

У Астраўцы адбудзецца першы ў Беларусі рок-фестываль хрысціянскай музыкі

Ініцыятарамі правядзення фестывалю выступілі айцы кармеліты босыя, якія працуюць у Гудагаі.

 

Гаворыць айцец Казімір, пробашч Санктуарыя Маці Божай Шкаплернай у Гудагаі:

 

–Ініцыятыва сыходзіць ад айца Паўла, які сам музыка, падчас навучання ў семінарыі  граў у гурце “Подых Духа”.

У Астравецкім дэканаце і, у  прыватнасці, у Гудагаі, ён займаецца душпастырствам моладзі.

Моладзі падабаецца рок-музыка, сам стыль, але тэксты бываюць розныя.

Таму і вырашылі сабраць беларускія хрысціянскія рок-гурты, якія выкарыстоўваюць тэксты духоўныя, рэлігійныя, з Бібліі.

Іх творчасць нясе моладзі пазітыўны пасыл.

Гэта першы падобны фестываль у Беларусі.

Раней хрысціянскія рок-гурты ладзілі толькі адзінкавыя канцэрты.

Калядны рок-фэст пройдзе на фоне святаў Раства.

Пачнецца ў 16 гадзін з імшы ў касцёле Казьмы і Дам’яна.

Канцэртная частка адбузецца ў кінаканцэртнай зале “Астравец” на 800 месцаў.

Уваход вольны.

 

Рок-фестываль хрысціянскай музыкі ў Астраўцы  ладзіцца на ахвяраванні вернікаў і святароў Астравецкага дэканата.

У планах айцоў кармялітаў зладзіць летам у Гудагаі вялікі фэст хрысціянскай музыкі.

 

Фота з сайта http://www.catholic.by