Гарадзенскі абласны суд пакінуў прысуд Лінкусу без зменаў

|

Гарадзенскі раённы суд сёлета ў лютым асудзіў былога кіраўніка Гарадзенскага абласнога аддзелу дэпартаменту аховы маёра Лінкуса на 4 гады калоніі ўзмоцненага рэжыму за збіццё начальніка Шчучынскага раённага аддзелу дэпартаменту аховы Аляксея Сяргея.


Калегія абласных судздзяў не задаволіла хадайніцтва з боку пацярпелага — узяць Лінкуса пад варту адразу ў залі суду.

 

У судзе Лінкус ізноў цалкам не прызнаў сваёй віны і настойваў на тым, што ў судзе першай інстанцыі яго справу разгледзелі неаб’ектыўна і павярхоўна.

 

Аднак калегія Гарадзенскага абласнога суду палічыла яго довады беспадстаўнымі. У судовым паседжанні браў удзел пацярпелы Сяргей.

 

Яшчэ да гэтага працэсу актывісты грамадзянскай кампаніі «Наш дом» распавядалі, як Лінкус, яшчэ працуючы ў Менску, затрымліваў актывістаў апазыцыі, здзекаваўся і пагражаў, ужываў сілу ня толькі да мужчын, але і да жанчын.

 

Радыё Свабода