У Гродне “Хонда” штурмавала чыгунку
Аварыя здарылася 8 мая.
Аскелкі шкла, пластыка, металічныя дэталі, абломкі плота і рэчы з машыны разляцеліся на 300 метраў.
У выніку здарэння ў “Хонды” аказаліся дэфармаванымі ўсе часткі корпуса, дыскі колаў, разбітае ўсё шкло і пярэднія светлавыя прыборы, спушчаныя колы.
Ніякіх прыкметаў таго, што кіроўца спрабаваў пазбегнуць аварыі, супрацоўнікі ДАІ не знайшлі.
28-гадовы гродзенец, які знаходзіўся за рулём аўтамабіля, шпіталізаваны ў стане моцнага алкагольнага ап’янення і з мінімальнымі траўмамі.
Прычыну здарэння паспрабавала патлумачыць яго маці.
Па словах жанчыны, яе сын з кімсці моцна пасварыўся і хацеў скончыць жыццё самагубствам. Яна распавяла, што пасварылась з пьяным сынам па тэлефоне, ён зайшоў у кватэру, пакінуў ключы ад яе і пашпарт, а пасля з’ехаў на машыне.
Паводле http://gaigrodno.by