15-годдзе навучання беларускай мовы адзначаць у Беластоку
Святкаванне распачнецца 25-га траўня і завершыцца 6-га чэрвеня, кажа намесніца старшыні аб’яднання Аліна Вараўнюк:
– Калісьці пачыналі са звычайнай суполкі бацькоў, якія хацелі, каб іх дзеці навучаліся беларускай мове. А ўжо зараз маем зарэгістраваную арганізацыю, дзе галоўная мэта: праца ў карысць дзяцей і моладзі, якія вывучаюць беларускую мову, дапамога настаўнікам, інтэграцыя вучняў і бацькоў.
Большасць мерапрыемстваў пройдзе ў склепе з культурай, які быў адчынены сёлета па адрасе: вул. Чэнстахоўская 6а, Беласток.
25 траўня
Падвядзенне артыстычнай працы дзяцей і моладзі ў навучальным годзе 2011/2012. Наведнікі пабачаць спектаклі ў выкананні ўдзельнікаў тэатральнага гуртка “Гульня ў тэатр”.
Пачатак а 17.00 па адрасе: вул. Чэнстахоўская 6а, Беласток.
1чэрвеня адбудзецца канцэрт Андрэя Мельнікава і сустрэча з бардам. Пачатак а 17.00 па адрасе: вул. Чэнстахоўская 6а, Беласток.
5 чэрвеня ў царкве Св. Юр’я ў Беластоку пройдзе малебен за дзяцей, настаўнікаў, бацькоў.
6 чэрвеня адбудзецца галоўнае мерапрыемства святкавання 15-годдзя навучання беларускай мовы ў школах Беластока.
У праграме:
1. Спектаклі ў выкананні удзельнікаў Тэатральнага гуртка “Гульня ў тэатр” (апякунка гуртка Аліна Ваўранюк).
“Гульня ў сонную каралеву” паводле З. Вуйцік у перакладзе Аліны Ваўранюк (рэж. А. Ваўранюк).
“Станцыя вар”ятаў” на аснове вершаў Агнешкі Асецкай (сцэнарый i рэж. Бэрнард Мацей Баня) .
2. Дзіцячая група Студыі беларускага фальклору – падрыхтоўка Анна Васькоўская.
Пачатак а 17.00 у клубе Кіно Форум па адрасе: вул. Легіянова 5, Беласток.
На ўсе мерапрыемствы ўваход вольны.