Кантрабандысты спрабавалі падкупіць гродзенскага памежніка
Затрыманне шасці чалавек стала вынікам спецаперацыі, якая пачалася два тыдні таму.
Тады два беларускія кантрабандысты (адзін з іх быў правадніком затрыманых сёння ўначы) прапанавалі службоўцу Гродзенскай памежнай групы 1000 долараў ЗША. Узамен яны хацелі атрымаць інфармацыю пра размяшчэнне памежных нарадаў.
Упэўненыя ў поспеху яны падрыхтавалі да адпраўкі ў Літву буйную партыю цыгарэт.
Аўтамабіль «УАЗ 3304» з у 48 тысячамі пачак цыгарэт затрыманы на самай мяжы. На літоўскім баку памежнікі знайшлі яшчэ 2 мікрааўтобусы без кіроўцаў, але з цыгарэтамі.
Па факце дачы хабару распачатая крымінальная справа. Разбіральніцтвы працягваюцца.
Паводле http://gpk.gov.by
Здымак http://euroradio.fm