Затрыманыя цыганкі, што абкрадалі вясковых пенсіянераў у Гродзенскай вобласці
Напярэдадні ў Азёрах пенсіянерка пайшла на агарод, а вярнуўшыся дамоў, заўважыла знікненне 1,5 мільёнаў рублёў.
Паводле аператыўнай інфармацыі грошы скралі дзве цыганкі. Аператыўнікі пралічылі месцы верагоднага з’яўлення злачынцаў і зрабілі засаду ў бліжэйшай да месца здарэння вёсцы Стрыеўка.
Маёр Уладзімір Мікалута першым заўважыў чырвоныя “Жыгулі” злодзеяў і выйшаў на дарогу з табельнай зброяй. Машына развярнулася і паехала ў зваротным кірунку, але тут дарогу заблакавалі службовыя міліцэйскія машыны.
Злачынцы затрыманыя. Высветлілася, што цыганкі прыехалі з Радуні Воранаўскага раёна.
Супрацоўнікі міліцыі заклікаюць усіх пацярпелых ад падобных злачынцаў абавязкова звяртацца ў міліцыю.
Паводле http://uvd.grodno.by