75% правераных у маі гродзенскіх аб’ектаў грамадскага харчавання працуюць з парушэннямі

|

Гродзенскі занальны цэнтр гігіены і эпідэміялогіі з надыходам цяпла ўзмацніў кантроль за прадпрыемствамі грамадскага харчавання. Толькі ў маі праверкі прайшлі ў 200 з іх.


У 75% выпадкаў зафіксаваныя парушэнні патрабаванняў санітарнага заканадаўства.

У 50 выпадках кіраўнікам накіравныя прадпісанні аб выпраўленні парушэнняў, праца 27 устаноў прыпыненая. Сярод апошніх – кавярня «Марио», бар ААТ «Громос», бар «Магнолия», бар ГААТ «Фобус», бар ААТ «Миробар».

За парушэнні санітарнага заканаўства 5 юрыдычных і 37 службовых асоб прыцягнутыя да адміністратыўнай адказнасці.

 

З мая ў Гродне адзначаецца павелічэнне колькасці захворванняў востымі кішэчнымі інфекцыямі.

Некаторыя гарадзенцы звязвалі сваё захворванне з наведваннем кавярняў.

Пазапланавая праверка кавярні “Полька” выявіла сярод працаўнікоў носьбіта сальманэл. З-за парушэнняў правіл асабістай гігіены, утрымання памяшканняў, інвентару, посуду узбуджальнік трапіў у ежу наведвальнікаў. “Полька” прыпыніла працу.

Прыпыняла працу і кавярня “Салодкі пачастунак”, дзе падчас абслугоўвання масавага мерапрыемства выкарыстоўваліся кулінарныя вырабы, прыгатаваныя па-за межамі кавярні без адпаведных дакументаў.

Пакаштаваўшы гэтых прадуктаў некаторыя з гасцей захварэлі.

 

Каб спыніць парушэнні санітарнага заканадаўства ў Гродне Цэнтр гігіены і эпідэміялогіі працягвае штодзённы маніторынг аб’ектаў грамадскага харчавання.

 

Паводле http://gigiena-grodno.inbel.biz