Веламарафон “Суседзі” сёлета пройдзе 21 ліпеня

19 ліпеня 2012 Кася Крот |

На трасу па маляўнічых ваколіцах Аўгустоўскага канала ўздоўж беларускай мяжы запрашаюцца ўсе аматары вандровак на роварах.

Асноўная мэта марафона – папулярызацыя язды на ровары як сродка здаровага ладу жыцця і актыўнага адпачынку, сустрэча з сябрамі і аднадумцамі.

Месца старту – шлюз Дамброўка.

Для больш дасведчаных раварыстаў арганізатары прапануюць дыстанцыю ў 65 км. Для пачаткоўцаў, меньш падрыхтаваных і дзяцей – паўмарафон у 30 км.

Усяго сёлета заяўлена 16 узроставых катэгорый. Верхняй і ніжняй узроставых межаў арганізатары не акрэсліваюць.

21 ліпеня ў 8 гадзін аўтобусы з удзельнікамі марафону адправяцца з аўтавакзала Гродна на месца старту.

Рэгістрацыя ўдзельнікаў пройдзе з 9 да 11 гадзін. Старт у 12.00.

На трасе будзе арганізаваны буфет, дзе ўдзельнікі змогуць падмацавацца і назапасіць вады.