У чэмпіянаце па спартыўнай арніталогіі возьмуць удзел 2 каманды з Гродна.
Сёлета за званне лепшых назіральнікаў пазмагаюцца 8 каманд (у мінулым годзе было 13). Мэта спаборніцтваў – улічыць найбольш відаў птушак.
Гродзенскія аматары птушак традыцыйна актыўна ўдзельнічаюць у спаборніцтвах і паказваюць добрыя вынікі. Сёлета зарэгістраваліся 2 каманды: дзявочая “Ластаўкі” і “Шулякі” – беларуска-польская каманда начале з Дзмітрыем Вінчэўскім. Хаця да канца рэгістрацыі застаецца яшчэ некалькі гадзін і тэарэтычна колькасць каманд можа павялічыцца.
Летась гарадзенцы ўдзельнічалі ў спаборніцтвах у складзе 3 каманд.
Беларуска-шведская каманда “Dreamteam”, якая назірала за птушкамі ў ваколіцах Гродна, зафіксавала 114 відаў птушак і заняла 2 месца. Яна саступіла камандзе-пераможцы “Lintu “ толькі 1 ачко.
Чэмпіянат ў Беларусі ладзіць найбуйнейшая ў Беларусі прыродаахоўная грамадская арганізацыя “Ахова птушак Бацькаўшчыны”.
Падчас леташніх спаборніцтваў на тэрыторыі Беларусі было адзначана 180 відаў птушак са 321 віду, зарэгістраванага ў Беларусі за апошнія прыкладна 160 год – з пачатку арніталагічных даследаванняў.
Здымак каманды “Кронан” 2010 г. Леаніда Шчаглова / www.prosto-free.livejournal.com