У Гродне пачалі рабіць прышчэпкі ад грыпу
Сёлета за кошт бюджэтных сродкаў плануецца прышчапіць 140 тысяч жыхароў Гродна і раёна.
Гэта 35% ад агульнай колькасці насельніцтва.
Паводле загадчыцы эпідэміялагічным аддзелам занальнага цэнтра гігіены і эпідэміялогіі Святланы Кісель, вакцынаваць у амбулаторыях будуць расійскім прэпаратам “Грыпол” і кітайскім “Флюваксін”.
Гэтымі вакцынамі карысталіся і летась.
Паводле спецыялістаў, верасень-кастрычнік – найбольш пажаданы перыяд для вакцынацыі.
Зрабіць прышчэпку можна будзе да 1 лістапада.
Здымак http://zn.by