Міліцыя рыхтуецца да росту наркаманіі ў Астраўцы

|

З улікам прыцягнення да будаўніцтва АЭС вялікай колькасці будаўнікоў, у тым ліку з Расіі, дзеля супрацьстаяння распаўсюду наркотыкаў распрацаваны спецыяльны план мерапрыемстваў, колькасць супрацоўнікаў органаў унутраных спраў у Астраўцы павялічыцца.


Пра гэта паведаміў намеснік начальніка ўпраўлення па наркакантролі і супрацьдзеянню гандлю людзьмі крымінальнай міліцыі МУС Беларусі Васіль Лосіч.

 

Міністэрства ўнутраных спраў выступіла з ініцыятывай ўвесці адміністратыўную адказнасць за ўжыванне наркотыкаў у грамадскіх месцах.

“Мы паспрабуем, калі гэтую прапанову атрымаецца правесці, паглядзім, як на гэта адрэагуе супольнасць, якая ў нас будзе напрацоўвацца практыка”, – кажа В.Лосіч.

 

На сёння за ўжыванне наркотыкаў у Беларусі не прадугледжана ні адміністратыўнай, ні крымінальнай адказнасці.

Толькі за 9 месяцаў 2012 года праваахоўныя органы выявілі больш за 3,2 тысячы злачынстваў у галіне нелегальнага абароту наркатычных сродкаў. З незаконнага ўжытку выведзена  амаль 170 кг наркотыкаў і каля 10 кг псіхатропных рэчываў. Асноўная маса наркотыкаў у Беларусь трапляе з-за мяжы.

 

Тыдзень таму найбуйнейшую з пачатку года партыю гераіну спрабавалі правезці праз  пункт пропуску “Каменны Лог”.

 

Паводле http://belta.by

Здымак http://www.gazeta.ru